Pemba Post

  MAKALA NA, HASSAN MSELLEM, PEMBA Mwaka 1992 Tanzania ilianzisha mfumo wa vyama vingi vya siasa kutoka mfumo wa chama kimoja cha siasa ambacho kilikuwa ni TANU kilichokuwa kikiongozwa na Rais wa Kwanza wa Tanzania Mwalimu Julias K. Nyerere, na hapo ndipo utitiri wa vyama vipya vya siasa ukaanza hadi kufikia vyama 21, ambapo vitatu kati ya hivyo vikiwa vyama vikuu ambavyo ni Chama cha Mapinduzi-CCM Chama cha Demokrasia na Maendeleo –CHADEMA na Chama cha Alliance for Change and Transparency ACT Wazalendo. Ukubwa wa chama na ushindi unatokana na wingi wa wafausi ambapo wingi kwa kiasi kikubwa hupimwa katika mikutano ya Umma ya vyama ambapo asilimia kubwa ya wafuasi huonekana kuwa ni wanawake kuliko wanaume hususan vijana hilo hujidhihirisha kila kifikapo kipindi cha kampeni kwa ajili ya Uchaguzi Mkuu. Wanachama wa Chama Cha Mapinduzi - CCM wanakadiriwa kufikia 8,432,980 Tanzania huku idadi ya Wanawake ikikadiriwa kufikia 6,124,735 asilimia 68% kati ya wanachama wote, hii inadhi...

Na, Hassan Msellem- Pemba Mwenyekiti wa Baraza la Vijana Chake Chake Zulekha Maulid Kheri Historia ya kuanzishwa kwa Mabaraza ya Vijana ilianza mwaka 1948 katika nchi ya Urusi, ambapo lengo la kuanzishwa kwa mabaraza hayo ni kuwaunganisha Vijana wa maeneo mbalimbali wa Taifa hilo ili kutambuana na kuwa wazalendo wa taifa lao,hasa pale inapobidi kulitetea dhidi ya adui, ikizingatiwa kipindi hicho dunia ilikuwa inakabiliwa na Vita vikuu vya Pili. Huko Kisiwani Pemba Katibu Mtendaji wa Baraza la Vijana Zanzibar Salum Issa Ameir, amesema vijana waliojiunga na mabaraza ya vijana katika Wilaya zote za Pemba ni 9,308 wanaume wakiwa 4,754 na wanawake ni 4,553 sawa na asilimia 48% ya vijana wakike waliojiunga na mabaraza hayo, ambapo Wilaya ya Micheweni Vijana wa kiume waliojiunga baraza la vijana ni 1,078 na wanawake wakiwa 952, Wilaya ya Wete wanaume 1,176 wanawake 1,041, Wilaya ya Chake Chake wanaume 1,260 wanawake 1,386 na Wilaya ya Mkoani wanaume 1,240 wanawake 1,174. Idadi inayojumuish...

  Na, Hassan Msellem-Pemba “Ndoto yangu ni kuwa Mbunge au Mwakilishi ili niwatetee wenzangu wenye ulemavu kama mimi lakini ndoto hiyo inashindwa kukamilika kutokana na mfumi wa vyama vyetu vya siasa dhidi ya watu wenye ulemavu” Amesema Hidaya Abedi Khamis mwenye ulemavu wa viungo anayeishi Shehia ya Vitongoji Wilaya ya Chake Chake Mkoa wa Kusini Pemba. Hidaya mama wa watoto watatu na Makamo Mwenyekiti wa Jumuiya ya Wanawake Wenye Ulemavu Zanzibar (JUWAUZA) na Afisa Watoto Wenye Ulemavu Wilaya ya Chake Chake na mfuasi wa Chama Cha Mapinduzi CCM kwa miaka 25 sasa. Katiba ya Zanzibar ya mwaka 1984 Sura ya Tatu Ibara ya 11. (a) inaeleza kuwa watu wote huzaliwa huru na wote ni sawa, Sheria ya watu wenye Ulemavu za Zanzibar ya nambari 8 ya mwaka 2022 na Sera ya Watu wenye ulemavu Zanzibar ya mwaka 2018 pamoja na Mikataba mbali mbali ya Kikanda na Kimataifa, imeweka sawa suala la   usawa kibinadamu licha ya mapungufu walionayo bado mifumo katika vyama vyote vya siasa nchini ha...

Na, Hassan Msellem, Pemba  Wafanyakazi wa afya wa jamii (CHW) na Wauguzi wametakiwa kuwahamasisha akina mama kwenda kiliniki na wenza wao ili kuimarisha afya ya mama na mtoto. Akifunga mafunzo ya siku kwa wafanyakazi hao afya wa jamii na wauguzi huko katika ukumbi wa Baraza la Mji Wete  Bikombl Abdalla Mastur, Muuguzi dhamana Wilaya ya Wete na Mratibu wa huduma za Mama , katika ufunguzi wa mradi wa miaka miwili wa Kubadilisha Mtazamo wa Majukumu ya Kijinsia na Kuimarisha Maisha ya Wanawake na Wajawazito na Wanaonyonyesha katika familia za Vijijini Pemba unaondeshwa na Jumuiya kupunguza,  amesema tafiti zinaonesha bado kuna ushiriki mdogo wa akina baba kuongozana na wake zao kwenda kwenye vituo vya afya hali inayosababisha maendeleo duni ya kiafya ya mama na mtoto. Mratibu wa Jumuiya ya kupunguza umasikini na kuboresha Maisha ya watu Pemba (PEPOHUDA) Said Mbarouk Juma, amesema lengo la mradi huo ni kutoa elimu na kuwahamasisha akina baba kushirikiana na wenzao kwenda kati...

Na, Thuwaiba Habibu, Unguja Katika kuazimisha siku ya kimataifa ya mtoto wa kike duniani, wadau wa michezo kwa maendeleo Zanzibar ambao ni Jumuiya ya wanasheria wanawake, Zanzibar (ZAFELA) kituo cha mijadala kwa vijana (CYD)na chama cha waandishi wa habari wanawake Tanzania, Zanzibar (TAMWA,ZNZ) kwa kushirikiana na shirika la Ujerumani (GIZ) imeandaa shughuli mbali mbali za michezo kwa maendeleo ili kuhamasisha ushiriki wa watoto wa kike na ustawi wa kijinsia katika michezo. Akitoa taarifa hizo kwa waandishi wa habari Afisa Program wa michezo kwa maendeleo kutoka Tamwa Zanzibar, Khairat Haji amesema maadhimisho hayo yatawashirikisha wanafunzi kutoka skuli mbali mbali za msingi za mkoa wa kaskazini 'A', Mjini ,na Magharibi 'A', na yataanza kwa michezo ya mpira wa pete (Netball) za kirafiki zitakazo husisha timu za watoto wa kike kutoka tumbatu, jongwe,mkokotoni,mto wa pwani, kianga,mtoni , kiembe samaki B' na uroa. Alisema kuwa shughuli nyengine zitakazo ...

Wananchi wa Shehia ya Michenzani Wilaya ya Mkoani Mkoa wa Kusini Pemba, wametakiwa kuachana na tabia ya muhali na badala yake kuviripoti vitendo vya udhalilishaji na ukatili wa Kijinsia ili kupambana na vitendo hivyo. Kauli hiyo imetolewa na Mkurugenzi wa Jumuiya ya Wasaidizi wa Sheria Wilaya ya Mkoani (MDIPAO) Hakim Nassor huko Michenzani katika Mkutano kati ya Wasaidizi wa Sheria wa Jumuiya hiyo na Wananchi, amesema miongoni mwa sababu kukoma kwa vitendo vya udhalilishaji na ukatili wa Kijinsia katika jamii ni muhali pindi vitendo hivyo vinapotokea. Akiwasilisha mada ya udhalilishaji na ukatili wa Kijinsia Hakimu Mahakama ya Wilaya Mkoani ambaye pia Hakimu dhamana wa Mahakama ya Wilaya Mkoani Suleiman Said Suleiman amewataka Wananchi walioshiriki katika Mkutano huo kutokuwasafisha watoto pindi wanapofanyiwa vitendo vya udhalilishaji Ili kusaidia katika ushahidi makosa hayo. "Tafadhalini sana musiwasafishe watoto wenu pindi wanapofanyiwa vitendo vya udhalilishaji kwani mukiwasafi...

Mtangazaji na mfanyakazi wa Wasafi Fm Radio kupitia kipindi cha Masham Sham Khadija Shaibu maarufu Dida, amefariki Dunia Leo hii September 04.2024 akiwa anapatiwa matibabu hospital ya Muhimbili Jijini Dar-Es- Salaam alipokuwa anapatiwa matibabu. Taarifa za kifo cha Mtangazaji huyo wa Wasafi Media zimechapishwa na Mtangazaji na rafiki wa marehemu Dida Maulid Kitenge katika Ukurasa wake wa X na Instagram. Usikose kufuatilia Blog yetu kwa taarifa zaidi kuhusu kifo cha Mtangazaji huyo mashuhuri wa vipindi vya Burudani.

 Na, Thuwaiba Habibu   Mkurugenzi wa chama cha waandishi wa habari wanawake Tanzania Zanzibar Dkt Mzuri Issa Ali amewataka wanawake   kutokuogooa vitisho kutoka kwa mtu yoyote ili kuweza kupambania ndoto zao za kuwa viongozi . Ameyasema hayo huko katika ukumbi wa mkutano Tunguu,Unguja  katika kikao na wadau mbali mbali kujadili  namna gani wanawake wanapata ulinzi dhidi ya ukatili wa kijinsia mitandaoni Alisema kuwepo kwa vitisho kumewafanya wanawake kuacha kugombe ikiwemo  kukatazwa, kuvunjwa moyo, kukemewa na tuhuma kutoka mitandaoni ambazo bado zina wadhalilisha na kurejesha nyuma juhudi zao katika kugombea. "Wanaume hutumia uongo kumchafua mwanamke kwasababu jamii inaamini yeye ni mtu ambaye atakiwi kuwa na doa basi ni rahisi kumkosesha." Kwa upande wake Afisa Sheria Mwandamizi wa Vyama  Vya Siasa Abdul razak Said Ali amesema  kuwepo kwa asilimia 50 baina ya wanawake na wanaume ni harakati za muda mrefu na sasa zinaendelea  ili kuwe ...

 NA, HASSAN MSELLEM, PEMBA Jeshi la Polisi Mkoa wa Kusini Pemba linamshikilishia Ali Shavuai Ramadhan 25, ambaye ni mwalimu wa Madrasa anayeishi Wesha Wilaya ya Chake Chake Mkoa wa Kusini Pemba kwa tuhuma za kumbaka mwanafunzi wake mwenye umri wa miaka 14 Baba wa kambo wa Msichana ambaye jina limehifadhiwa, amesema aligundua kuchelewa kurudi nyumbani kwa binti yake huyo wakati wa usiku na kuchukua hatua za kumuuliza alikuwa wapi na baada ya maswali kadhaa msichina huyo akajibu kuwa alikuwa mwalimu wake wa madrasa nyumbani na kukiri kufanyiwa kitendo cha ubakaji “Alichelewa kurudi nyumbani akarudi kama muda wa saa 3 hivi nikamuita na kumuuliza ulikuwa wapi? Akanijibu nilikuwa na mwalimu Ali nikamuuliza usiku mulikuwa munafanya nini na mwalimu Ali? Akawa anasita kunijibu, nikaamuliza tena usiku mulikuwa wapi? Akajibu nyumbani kwake, nikamuuliza mulikuwa munafanya nini? Baada ya muda kupita ndipo akanijibu kuwa ni kweli wamefanya hicho kitendo zaidi ya mara moja” amesema baba mdo...

Na, Hassan Msellem - Pemba  MKURUGENZI wa Chama cha wandishi wa habari wanawake Tanzania TAMWA-Zanzibar Dk. Mzuri Issa Ali, amesema bado Kuna vitendo vya unyanyasaji wa Kijinsia katika vyama vya siasa jambo linalosababisha Wanawake kukosa haki yao ya kuwa Viongozi. Dk. Mzuri ameyasema hayo leo Oktoba 1, 2024 ukumbi wa mikutano wa chama hicho Tunguu Unguja, katika kikao na Wadau mbali mbali kujadili namna gani  wanawake  watapata ulinzi dhidi ya ukatili wa kijinsia  mitandaoni, kupitia mradi wa wakuwawezesha waandishi wa habari vijana. Amesema kuwa, katika Uchaguzi mkuu wa mwaka 2015 kuna Ripoti kadhaa zinazoonesha unyanyasaji dhidi ya Wanawake waliotia nia nagombea nafasi mbali mbali za Uongozi ndani na nje ya chama Hali inayorudisha nyuma ndoto na juhudi za wadau katika kufikia azma ya 50 kwa 50 kwenye vyombo vya kutunga Sheria. " Licha ya kazi kubwa inayofanywa na wadau katika kuhakikisha usawa wa Kijinsia unafikiwa katika vyombo vya maamuzi bado Kun...