MWALIMU WA MADRASA MBARONI KWA TUHUMA ZA KUMBAKA MWANAFUNZI WAKE

 NA, HASSAN MSELLEM, PEMBA

Jeshi la Polisi Mkoa wa Kusini Pemba linamshikilishia Ali Shavuai Ramadhan 25, ambaye ni mwalimu wa Madrasa anayeishi Wesha Wilaya ya Chake Chake Mkoa wa Kusini Pemba kwa tuhuma za kumbaka mwanafunzi wake mwenye umri wa miaka 14

Baba wa kambo wa Msichana ambaye jina limehifadhiwa, amesema aligundua kuchelewa kurudi nyumbani kwa binti yake huyo wakati wa usiku na kuchukua hatua za kumuuliza alikuwa wapi na baada ya maswali kadhaa msichina huyo akajibu kuwa alikuwa mwalimu wake wa madrasa nyumbani na kukiri kufanyiwa kitendo cha ubakaji

“Alichelewa kurudi nyumbani akarudi kama muda wa saa 3 hivi nikamuita na kumuuliza ulikuwa wapi? Akanijibu nilikuwa na mwalimu Ali nikamuuliza usiku mulikuwa munafanya nini na mwalimu Ali? Akawa anasita kunijibu, nikaamuliza tena usiku mulikuwa wapi? Akajibu nyumbani kwake, nikamuuliza mulikuwa munafanya nini? Baada ya muda kupita ndipo akanijibu kuwa ni kweli wamefanya hicho kitendo zaidi ya mara moja” amesema baba mdogo wa msichana huyo

 

Akieleza namna walivyotegua mtego uliopangwa na familia ya mtuhumiwa ili kuivirigiza kesi hiyo, Baba mdogo wa msichana huyo amesema “Tulipata taarifa kuwa binti yetu amefanyiwa vitendo vya udhalilishaji na Ali Shavuai Ramadhani ambaye ni mwalimu wake wa madrasa lakini wanapanga mpango wa kumpanga binti yetu amsingizie kijana mwengine ambaye ni mdogo kiumri ili kesi hiyo ionde ke kwa huyo mwalimu na ihamie kwa huyo kijana mdogo ili isiwe na uzito kwa kuonekana wote ni Watoto sisi baada ya kugundua mpango moja kwa moja tukaenda kutoa taarifa Jeshi la Polisi na kushikiliwa wote wawili huyo kijana aliyesingiziwa na huyo mwalimu lakini baadae yule kijana aliachiwa baada ya kuonekana hakuna ishara ya kutenda kosa”

Mwandishi wa Habari hizi alifanikiwa kuzungumza na msichana huyo ili kupata kauli yake dhidi ya tuhuma zakufanyiwa vitendo hivyo vya ubakaji ambapo alikiri kufanyiwa kitenda hicho kwa nyakati mbili tofauti na mwalimu wake

“Ni kweli tumefanya siku mbili alikuwa anatutuma tukamchotee maji kisha tumpelekee nyumbani kwake sasa kuna siku nilikwenda na mwenzangu kisha akamuambia mwenzangu ende zake kisha nikabaki peke yangu tukafanya” amesema

Ndani ya kipindi cha miaka miwili 2022/2024 hii ni kesi ya tano Kisiwani Pemba inayohusisha walimu wa Madrasa kuwafanyia vitendo vya ubakaji wanafunzi wao.




Comments

Post a Comment

Popular posts from this blog

Mama ajifungua kisha kukiua kichanga na kukifukia kwenye tuta- Sizini Pemba

Image
 Habari Na, Hassan Msellem, Pemba  Picha kutoka Maktaba. Mchanga Omar Said anayekadiriwa kuwa na umri wa miaka 35, na mama wa watoto saba Mkaazi wa Shehia ya Sizini Wilaya ya Micheweni Mkoa wa Kaskazini Pemba, anashikiliwa na Jeshi la Polisi kwa tuhuma za kumuua na kisha kumfukia kwenye tuta mtoto wake Mchanga. Akizungumza juu ya tukio Hilo Mkuu wa Wilaya ya Micheweni Mgeni Khatib Yahya, alisema majira ya saa 5 siku ya Tarehe 18\05\2024 wamepokea taarifa za mama huyo akiwa na ujauzito ambalo alijifungua bila ya taarifa za alichojifungua kuonekana, ndipo Wananchi walipofuatilia na kugundua kuwa mama huyo alijifungua na kisha kumuua mtoto na kisha kukizika. Akizungumza kwa niaba ya mganga Mkuu wa hospital ya Micheweni Daudi Rashid Mkasha, alisema walipofika eneo la tukio walikuta sehemu iliyochumbuliwa na kukuta mabaki ya mwili wa mtoto ambayo tayari yameshaharibika. Suleiman Shaame Hamad, ni Sheha wa Sizini alikiri kutokea kwa tukio hilo na kuhuzunishwa nalo pamoja na kuwataka ...
Read more

Mtangazaji wa Wasafi Media, Dida Afariki Dunia

Image
Mtangazaji na mfanyakazi wa Wasafi Fm Radio kupitia kipindi cha Masham Sham Khadija Shaibu maarufu Dida, amefariki Dunia Leo hii September 04.2024 akiwa anapatiwa matibabu hospital ya Muhimbili Jijini Dar-Es- Salaam alipokuwa anapatiwa matibabu. Taarifa za kifo cha Mtangazaji huyo wa Wasafi Media zimechapishwa na Mtangazaji na rafiki wa marehemu Dida Maulid Kitenge katika Ukurasa wake wa X na Instagram. Usikose kufuatilia Blog yetu kwa taarifa zaidi kuhusu kifo cha Mtangazaji huyo mashuhuri wa vipindi vya Burudani.
Read more