SERA YA WATU WENYE ULEMAVU BADO NI KIZUNGUMKUTI KWA WANAWAKE WENYE ULEMAVU PEMBA.

 Na, Hassan Msellem-Pemba

“Ndoto yangu ni kuwa Mbunge au Mwakilishi ili niwatetee wenzangu wenye ulemavu kama mimi lakini ndoto hiyo inashindwa kukamilika kutokana na mfumi wa vyama vyetu vya siasa dhidi ya watu wenye ulemavu” Amesema Hidaya Abedi Khamis mwenye ulemavu wa viungo anayeishi Shehia ya Vitongoji Wilaya ya Chake Chake Mkoa wa Kusini Pemba.

Hidaya mama wa watoto watatu na Makamo Mwenyekiti wa Jumuiya ya Wanawake Wenye Ulemavu Zanzibar (JUWAUZA) na Afisa Watoto Wenye Ulemavu Wilaya ya Chake Chake na mfuasi wa Chama Cha Mapinduzi CCM kwa miaka 25 sasa.

Katiba ya Zanzibar ya mwaka 1984 Sura ya Tatu Ibara ya 11. (a) inaeleza kuwa watu wote huzaliwa huru na wote ni sawa, Sheria ya watu wenye Ulemavu za Zanzibar ya nambari 8 ya mwaka 2022 na Sera ya Watu wenye ulemavu Zanzibar ya mwaka 2018 pamoja na Mikataba mbali mbali ya Kikanda na Kimataifa, imeweka sawa suala la  usawa kibinadamu licha ya mapungufu walionayo bado mifumo katika vyama vyote vya siasa nchini havijatoa fursa sawa kati ya watu wenye ulemavu na wasio na ulemavu.

“Mwaka 2010 nilichukua fomu ya kugombea nafasi ya uakilishi katika Jimbo langu la Ole Wilaya ya Chake Chake,Mkoa wa Kusini Pemba,baada ya baadhi ya wanachama kunishawishi kufanya hivyo” Amesema Hidaya huku akiongezea kuwa ushawishi huo ulimpa moyo wa uthubutu na kuchungua fomu baada ya kuona uwezo wangu nami nikafanya hivyo “ Nilishangaa kuona viongozi wa chama waliposikia tu nimechukua fomu wakaanza kuzungumza maneno mabaya sana dhidi yangu na hatimaye sikupendekezwa kuwa mgombea ila sikukata tamaa mwaka 2020 nikagombea nafasi ya Udiwani” Amesema Hidaya.

Ambaye alipata nafasi ya kuwa mshindi wa watatu lakini kwa mazingira magumu mno na maneno ya dhihaka juu yake.

Watu wenye Ulemevu wanapaswa kupata haki zote wanazopata wale wasio na Ulemavu ikiwemo haki ya kuishi, kuthaminiwa, kupendwa, kupata elimu pamoja haki ya kufanya kazi kwenye taasisi binafsi na pia kuchanguliwa kuwe viongozi.

Hali halisi

Kwa mujibu wa Sensa ya Watu na Makaazi ya mwaka 2022, Zanzibar ina jumla ya wakaazi Zanzibar 1,889,773 ambapo kati ya hao Watu 215,434 ni watu wenye Ulemavu ambapo ni sawa asilimia 11.4.

Taarifa za Kitakwimu kutoka Ofisi ya Mtakwimu Mkuu wa Serikali ya Zanzibar ya mwaka 2023 (Zanzibar Statuctics Abstract) inaonesha kuwa  Zanzibar ina jumla ya watu wenye ulemavu kuanzia miaka 0 hadi 65 ni 8,100 huku kuanzia miaka 15 hadi 65 ni 6,843.

Udhaifu wa Kiutendaji na Ulemavu ni vitu viwili tofauti, wapo viongozi ambao hawana ulemavu lakini hawana sifa za kuwa viongozi lakini wapo Viongozi Wanawake wenye Ulemavu ambao ni wakupigiwa mfano katika Taifa kama vile Naibu Waziri Ofisi ya Waziri Mkuu Sera, Bunge na Uratibu Mhe. Ummy Nderiananga, Katibu Mkuu Wizara ya Maendeleo ya Jamii, Jinsia, Wazee na Watoto Abeda Rashid Abdalla, Naibu Katibu Mkuu wa Wizara Maendeleo ya Jmaii, Jinsia, Wazee na Watoto Mhe. Anna Atanas pamoja na Mbunge wa Viti Maalum ambaye alikuwa msanii wa kizazi kipya Khadija Taya (Keisha).

Aisha Ali Abdalla 28, ni mwenye ulemavu wa uoni ambaye ni mwanachama wa Jumuiya ya Wasioona Wilaya ya Chake Chake Pemba, amewahi kugombea nafasi ya Mwenyekiti wa Baraza  la Vijana Wilaya ya Chake Chake kwa mihula mitatu mfululizo lakini ameshindwa kuchaguliwa kushika nafasi hiyo kwa kile anachodhani kukosa elimu ya mafunzo ya uongozi na pili kutokana na hali ya ulemavu aliyonayo inamkosesha fursa hio. “Sijawahi kupata mafunzo yoyote kuhusu uongozi kiasi kwamba mpaka nakwenda kwenye kiriri cha kuomba kura sifahamu lolote kuhusu majukumu haswa ya nafasi hiyo lakini pia hata mazingira hayakuwa mepesi kwangu katika harakati za kampeni kwasababu nilikuwa sikuwa na mtu wa kunishika mkono” Amesema Aisha.

Mwenyekiti wa CCM Mkoa wa Kusini Pemba Yusuf Juma Ali, amekiri kuwa Katiba ya CCM, haijaweka wazi mazingira rafiki ya watu wenye Ulemavu kwa watu wenye ulemavu katika kugombea nafasi za uongozi na kuibuka kidedea licha kupata fursa ya kuwa wanachama. “Kila mwenye umri kuanzia miaka 18 wanaruhusiwa kujiunga na chama bila ya kuangalia hali yake kwa hivyo hata hao watu wenye ulemavu wamo kwenye chama na wanaruhusiwa kugombea nafasi yoyote wanayopenda kama wanachama” Juma ameendelea kusema kuwa  “Ingawa Katiba haikuwaeleza moja kwa moja ila suala la kuomba ridhaa ya chama kugombea na kushinda itategemea na mtu mwenye anavyokubalika kwenye chama” Amemaliza.

Katiba ya Chama Cha ACT Wazalendo haikutofautiana na Katiba ya CCM kwani katika Sura Ibara ya 8. (1) inayozungumzia UANACHAMA NA UONGOZI imesema Uanachama wa ACT utakuwa wazi kwa raia wote wenye umri wa kupiga kura bila kubagua jinsi, kabila, dini na hali yoyote.Hamad Shavuai Suleiman ni Katibu wa Siasa na Uenezi Mkoa wa Kaskazini Pemba, amesema “Chama cha ACT Wazalendo ni chama kinachoongoza kwa kuwapa nafasi watu wa makundi yote wakiwemo watu wenye Ulemavu, Vijana na Wanawake na Wazee” Ameendelea kusema kuwa “Watu wenye ulemavu hajawaacha nyuma kwenye Katiba yetu ni wao wenyewe tu kuamua kujiunga na chama na kugombea nafasi mbali mbali za uongoni” Amemalizia.

Maoni ya wananchi mbalimbali yote yamesimama juu ya mstari mmoja kuwa wanawake wenye Ulemavu bado hawajapewa nafasi sawa kama wanawake  wengine katika nyanya zote licha kuwepo kwa Sheria, Sera zenye maelezo mazuri kuhusu usawa watu wenye ulemavu.

Mariam Juma Faki 45, Mkaazi wa Mkoroshoni Chake Chake na mjasiriamali wa biashara ndogo ndogo amesema “Hizo Sheria na Sera zimetengenezwa tu ili kuwafariji watu wenye ulemavu lakini bado watu wenye ulemavu wanapitia changamoto nyingi sana na upande wa kugombea uongozi” Amemaliza Mariam kutoa maoni.

Hidaya anamalizia kwa kusema kuwa “Bado vyama vya siasa na jamii haijatuona kuwa watu wenye ulemavu tuna haki sawa na tunaweza kuwa iongozi na kuleta mabadiliko” Amemalizia Hidaya.

 

Comments

Post a Comment

Popular posts from this blog

MWALIMU WA MADRASA MBARONI KWA TUHUMA ZA KUMBAKA MWANAFUNZI WAKE

Image
 NA, HASSAN MSELLEM, PEMBA Jeshi la Polisi Mkoa wa Kusini Pemba linamshikilishia Ali Shavuai Ramadhan 25, ambaye ni mwalimu wa Madrasa anayeishi Wesha Wilaya ya Chake Chake Mkoa wa Kusini Pemba kwa tuhuma za kumbaka mwanafunzi wake mwenye umri wa miaka 14 Baba wa kambo wa Msichana ambaye jina limehifadhiwa, amesema aligundua kuchelewa kurudi nyumbani kwa binti yake huyo wakati wa usiku na kuchukua hatua za kumuuliza alikuwa wapi na baada ya maswali kadhaa msichina huyo akajibu kuwa alikuwa mwalimu wake wa madrasa nyumbani na kukiri kufanyiwa kitendo cha ubakaji “Alichelewa kurudi nyumbani akarudi kama muda wa saa 3 hivi nikamuita na kumuuliza ulikuwa wapi? Akanijibu nilikuwa na mwalimu Ali nikamuuliza usiku mulikuwa munafanya nini na mwalimu Ali? Akawa anasita kunijibu, nikaamuliza tena usiku mulikuwa wapi? Akajibu nyumbani kwake, nikamuuliza mulikuwa munafanya nini? Baada ya muda kupita ndipo akanijibu kuwa ni kweli wamefanya hicho kitendo zaidi ya mara moja” amesema baba mdo...
Read more

Mama ajifungua kisha kukiua kichanga na kukifukia kwenye tuta- Sizini Pemba

Image
 Habari Na, Hassan Msellem, Pemba  Picha kutoka Maktaba. Mchanga Omar Said anayekadiriwa kuwa na umri wa miaka 35, na mama wa watoto saba Mkaazi wa Shehia ya Sizini Wilaya ya Micheweni Mkoa wa Kaskazini Pemba, anashikiliwa na Jeshi la Polisi kwa tuhuma za kumuua na kisha kumfukia kwenye tuta mtoto wake Mchanga. Akizungumza juu ya tukio Hilo Mkuu wa Wilaya ya Micheweni Mgeni Khatib Yahya, alisema majira ya saa 5 siku ya Tarehe 18\05\2024 wamepokea taarifa za mama huyo akiwa na ujauzito ambalo alijifungua bila ya taarifa za alichojifungua kuonekana, ndipo Wananchi walipofuatilia na kugundua kuwa mama huyo alijifungua na kisha kumuua mtoto na kisha kukizika. Akizungumza kwa niaba ya mganga Mkuu wa hospital ya Micheweni Daudi Rashid Mkasha, alisema walipofika eneo la tukio walikuta sehemu iliyochumbuliwa na kukuta mabaki ya mwili wa mtoto ambayo tayari yameshaharibika. Suleiman Shaame Hamad, ni Sheha wa Sizini alikiri kutokea kwa tukio hilo na kuhuzunishwa nalo pamoja na kuwataka ...
Read more

Mtangazaji wa Wasafi Media, Dida Afariki Dunia

Image
Mtangazaji na mfanyakazi wa Wasafi Fm Radio kupitia kipindi cha Masham Sham Khadija Shaibu maarufu Dida, amefariki Dunia Leo hii September 04.2024 akiwa anapatiwa matibabu hospital ya Muhimbili Jijini Dar-Es- Salaam alipokuwa anapatiwa matibabu. Taarifa za kifo cha Mtangazaji huyo wa Wasafi Media zimechapishwa na Mtangazaji na rafiki wa marehemu Dida Maulid Kitenge katika Ukurasa wake wa X na Instagram. Usikose kufuatilia Blog yetu kwa taarifa zaidi kuhusu kifo cha Mtangazaji huyo mashuhuri wa vipindi vya Burudani.
Read more