"AMINA" KINARA WA UOGELEAJI BONANZA LA UTALII PEMBA

 NA, HASSAN MSELLEM, PEMBA

"AMINA" KINARA WA UOGELEAJI BONANZA LA UTALII PEMBA

Na, Hassan Msellem, Pemba

Ni msichana wa miaka 15, Mkaazi wa Tumbe Mashariki anayesoma kidato cha Pili aliwashangaza wengi walioshiriki mashindo ya mchezo wa kuogelea yaliyofanyika huko Vuma Wimbi katika Pwani ya Msuka Kaskazini mwa Kisiwa Cha Pemba kwa kipawa chake cha kupiga mbizi na kuwashinda wapiga mbizi wenzake 14 na hatimae kuibuka mshindi wa pili.

Msichana huyo mwenye umri mdogo zaidi kuliko waogeleaji wote walioshiriki mchezo huo aliwaacha vinywa wazi watu wote waliokuwa wakishuhudia mtanange huo wapasua maji pasi na msaaada wowote wa waongoza mashindano hayo yaliyojumuisha urefu wa mita 20

Baada ya ushindi huo mwandishi wa Makala hii alipata nafasi ya kuzungumza na msichana huyo ilikufahamu siri ya kuibuka mshindi wa pili na kusema kufanya mazoezi kwa bidii ndio siri pekee iliyofanya awe na uwezo wa kupasua mawimbi zaidi kuliko wenzake ambao walionekana mapafu yao kukomaa zaidi na kwamba ndoto yake ni kuwa mpiga mbizi maarufu kisiwani Pemba na Zanzibar kwa ujumla

“kwakweli siri ya kuibuka mshindi ni kufanya mazoezi kwa bidii mimi na wenzangu hua tunafanya mazoezi kila siku jioni hasa siku za Jumamosi na Jumapili ambazo siendi Skuli” alisema

Amesema Kitita cha Shilingi laki saba kimempa shauku na hamasa ya kuendelea kufanya mazoezi kwa bidii zaidi na kujipanga na mashindano mengine mwakani na kila fursa ya mashindano inapotokea

“kwakweli fedha hizi zimenipa hamasa sana sasa ya kuamini kuwa mchezo wa kuogelea unalipa na sio mimi hata wenzangu pia kwahivyo tunaahidi kuzidisha bidii ya kufanya mazoezi ili kuendelea kufanya vizuri mwakani na kila inapotokea fursa ya mashindano” alisema msichana Amina

Amefafanua kuwa hakuweza kuamini kuwa ataweza kuibuka mshindi wa pili kwa kumshinda na mchezaji kutoka kikosi cha JKU Zanzibar ambaye hawalingani na kimo chake wala umri wake, ambaye aliibuka mshindi wa kwanza.

Kaije Seif Bakari ni mwalimu wa kikosi cha timu ya kuogelea ya Tumbe Mashariki ambayo msichana Amina anashiriki, amesema timu yao imekuwa ikifanya vizuri katika mashindo mengi na kuvutia watu wengi kutokana na umahiri wao wakuogelea na kuwepo kwa muogeleaji mdogo huyo mwenye kipaji cha ajabu

“kwakweli timu yetu ni mzuri sana kwasababu mashindano mengi tunayoshiriki tunashinda na watu wengi wanavutiwa na uwezo wetu wa kuogelea na kushiriki katika mashindano haya tunajisikia Faraja sana na tunaahidi kufanya vizuri zaidi kwa mashindano yajayo”

Bi. Kaije anasema wakati wanaanzisha klabu hiyo yenye jumla ya wanawake kumi wanaoogelea walipitia wakati mgumu kwani walikosa ushirikiano kutoka kwa jamii kwa kile wanachoamini kuwa wanawake hawapaswi kushiriki mchezo wa kuogelea kama wanaume

‘’Tumeanzisha timu hii lakini hatukuwa tunakubalika katika jamii tulionekana kama tumekosa kazi au wahuni tu lakini hatukurudi nyuma na tukaendelea kujipa moyo na kufanya mazoezi zaidi kwani tulikuwa na malengo yetu ikiwemo kujiokoa pindi inapotokea ajali ya kuzama maana sisi ni wavuvi lakini pia tuliamini ipo siku tutajipatia kipato kupitia kuogelea na leo tumeshuhudia tayari tumepata shilingi laki saba sio kidogo” Bi. Kaije

Kwa upande wake Maratibu wa Kamisheni ya Utalii Kisiwani Pemba Hamad Amini, amesema walipata taarifa ya kuwepo kwa kikundi cha akina mama hao kupitia mwandishi Blog ya Pemba Post na ripota wa Mawio Hassan Msellem ambaye aliwaibua akina mama hao ndipo nao walipoonda kuna haja ya kuwatambua na kuwaunga mkono kwa kuwapa fursa ya kushiriki katika mashindano hayo ya Bonanza la Utalii Pemba ili kuonesha uwezo walionao na kutoa motisha kwa wanawake wengine Kisiwani Pemba

‘’Ni miaka mingi sana tulikuwa tunafanya Bonanza hili lakini hatukuwahi kuwa na kikundi ya wanawake wanaogelea Pemba lakini kuwepo kwa kikundi hicho kwakweli ni faraja kubwa, taarifa za kuwepo kwa kikundi hichi nilizipata kutoka kwa mwandishi wa Habari Hassan Msellem ambaye alikuja ofisini kwetu na akanipa taarifa za kuwepo kwa akina mama hawa ndipo tukapanga kwenda kuwaona na kweli tulikutana nao na tukawaahidi kushiriki katika mashindano ya kuogelea katika Bonanza la Utalii Pemba linalofanyika Novemba kila mwaka” mratibu wa Kamisheni ya Utalii Pemba

Alisema licha ya kuwa ni mara ya kwanza kutoa fursa kwa wanawake kuonesha uwezo wao wa kuogelea lakini wameonesha uwezo nzuri katika mchezo huo na kuwavutia wengi na kuahidi kuendelea kutoa fursa kwa wasichana na wanawake mashindano hayo kila mwaka ili kujipatia fursa za maendeleo

Kuibuliwa kwa kikundi hicho cha akina wanawake wanaoshiriki vyema mchezo wa kuogelea kumetokana na uendeshwaji wa mradi wa usawa wa kijinsi kwenye michezo visiwani Zanzibar unaosimamiwa na Chama cha Waandishi wa Habari Wanawake Tanzania (TAMWA) upande wa Zanzibar kwa lengo la kuhakikisha wasichana na wanawake wapata haki sawa ya kushiriki katika michezo

Khairat Haji Ali, kutoka Chama Cha Waandishi wa Habari wanawake Tanzania (TAMWA) Zanzibar amesema Tamwa imekuwa ikikutana na makundi mbali mbali ya wananchi na watendaji wa Serikali na taasisi za Kiraia katika kujenga uwelewa zaidi kwa jinsia ya kike kushirikishwa katika michezo ili kuimarisha ustawi wao

“Kwa muda mrefu tumeona wasichana na wanawake wanakosa fursa ya kushiriki na kushirikishwa katika masuala ya michezo, hivyo basi tumeona sasa ni muda muafaka wa kukaa pamoja jamii, Serikali na taasisi za kiraia ili kujenga uwelewa wa kuwashirikisha wanawake kwenye michezo ili kuimarisha ustawi wanawake katika Nyanja mbali mbali ikiwemo afya na maendeleo” alisema

MWISHO.