RUSHWA YA NGONO YATAJWA KUWA NI KIKWAZO KWA WANAWAKE, KUFIKIA NDOTO ZAO ZAKUWA VIONGOZI.

Na, Ahmed Abdalla, Zanzibar.

WANAWAKE nchini wametakiwa kuhamasishana kuepuka vishawishi vya rushwa ya ngono ili kuwa imara na jasiri wanapotaka kugombea nafasi za uongozi.

Kauli hiyo imetolewa na Ofisa uhusiano kutoka Mamlaka ya kuzuia rushwa na uhujumu uchumi Zanzibar (ZAECA), Mwanaidi Suleiman Ali alipokuwa akiwasilisha mada kuhusu nafasi ya mwanamke katika kupambana na rushwa ya ngono katika uchaguzi, katika mafunzo kwa wagombea watarajiwa yaliyofanyika ofisi za TAMWA Zanzibar Tunguu Wilaya ya Kati Unguja.

Alisema ana imani kwamba wanawake wengi wanaweza kupambana na rushwa ya ngono hivyo ni vyema kuhamasishana ili kuona kila mmoja anakuwa imara na anaweza kukabiliana na hali hiyo.

Ofisa huyo alifahamisha kuwa wapo baadhi ya wanaume huutumia mwanya huo ili kuwakatisha moyo na kurudisha nyuma jitihada zao hivyo ni vyema kukitokezea kitu kama hicho kujitathmini na kuwaimara katika kukabiliana nayo kwa maslahi yao na taifa kwa ujumla.

Uzoefu unaonesha kwamba wanawake waathirika wakubwa wa matukio hayo sio katika masuala ya kisiasa tuu bali hata katika masuala mengine ikiwemo ya kiuchumi wamekuwa wakirudishwa nyuma na kushindwa kufikia malengo yao,alisema.

Baadhi ya wanawake wa vyama vya siasa wamesema sasa wanapaswa kushirikiana katika mapambano ya rushwa ya ngono ili kutimiza malengo yao ya kuwa viongozi bila ya madhara.

Walisema hakuna sababu za msingi ambazo zinamkataza mwanamke asigombee nafasi mbalimbali za uongozi ila kilichokuwepo ni miundombinu ya kurudisha nyuma jitihada za wanawake katika kushika nafasi hizo.

Walisema umefika wakati sasa kwa wanawake kusimamaimara na kuwa mabalozi katika kuelimishana juu ya suala hilo ili wakati unapofika kuweza kujiepusha na matukio hayo.

Kwa mujibu wa mamlaka ya kuzuia, rushwa na uhujumu uchumi Zanzibar ZAECA waathirika wakubwa wa rushwa ya ngono katika chaguzi ni wanawake na baadhi yao kushindwa kukabiliana nayo na kupelekea athari mbalimbali katika maisha yao ya kisiasa.

Mkutano huo umeandaliwa na tamwa ikiwa ni moja ya utekelezaji wa mradi wa kuwawezesha wanawake kushiriki katika nafasi za uongozi (SWIL), unaotekelezwa kwa pamoja na TAMWAZNZ, ZAFELA na PEGAO ambao unafadhiliwa na Ubalozi wa Norway.

Comments

MWANAMKE AJINYONGA, SABABU WASI WASI - PEMBA

NA, HASSAN MSELLEM - PEMBA PICHA KUTOKA MAKTABA Mwanamke aliyefahamika kwa jina la Raya Darusi Abdallla miaka 48, mkaazi wa Mbuzini Wilaya ya Chake Chake Mkoa wa Kusini Pemba, amefariki Dunia kwa kidaiwa kujinyonga kutokana na Msongo wa mawazo. Tukio Hilo limetokea Novemba 30.2025 saa 11 alfajiri huko Mbuzini Wilaya ya Chake Chake Mkoa wa Kusini Pemba. Omar Salum Ali, ambaye ni shemeji wa marehemu amesema kabla ya marehemu alikuwa na sumbuliwa na Msongo wa mawazo kutokana na kumpoteza kaka yake ambaye alifariki hivi karibuni, kugundulika kuwa ana maradhi ya sukari, mtoto wake wa kiume wa miaka 25, kuwa na ugonjwa akili hali iliyopelekea kupatwa na Msongo wa mawazo na kuamua kujinyonga. Katibu wa Sheha (Katibu wa Mwenyekiti) Shehia ya Mbuzini Yakub Ali Msabah, amesema alipata taarifa za tukio Hilo kutoka kwa Sheha wa Mbuzini kuhusu tukio baada ya kufika eneo la tukio waliukuta mwili wa Mama huyo ukiwa unanin'gia kwenye dari ya Nyumba ambayo alikuwa anaishi zamani. Kutoka tarehe 18 ...

Mariam Muhene – mfano wa kuigwa kwa wanawake kwenye ulingo wa siasa ni

MAKALA NA, HASSAN MSELLEM -PEMBA Tangu Tanzania iruhusu mfumo wa vyama vingi mwaka 1992, Mariam Muhene alijiunga na chama cha Civic United Front (CUF) ambapo mwaka 1995, aligombea nafasi ubunge wa viti maalumu na kuvuka hatua zote ikiwemo kula kiapo mahkamani lakini hakufanikiwa kukikalia kiti hicho. “Mwaka 1995 niligombea ubunge wa viti maalum na nikapita kila kipengele mtu wa kwanza wilaya, taifa bodi ya uongozi, nikala kiapo mahkmanai lakini katika nafasi mbili zilizoletwa kwa kila mkoa Kusini na Kaskazini Pemba mimi sikubahatika” amesema Safari yake ya kisiasa za upinzani iliendelea na mnamo mwaka 2000, aligombea nafasi ya ubunge wa kuchahguliwa kupitia chama cha Allience for Democratic Change (ADC) Jimbo la Chake Chake lakini kutokana na changamoto zilizojitokeza ikiwe mawakala wa Chama chake kutokuruhisiwa kuingia kwenye vya kupiga kura jambo ambalo amesema lilichangia kukosa nafasi hiyo. Kwasasa Mariam Mohammed Muhene anashika nafasi ya Kamishna wa ADC kanda ya Pemba, nafas...

WATOTO KUJINYONGA ZANZIBAR, UTAFITI WAHITAJIKA.

HABARI NA, HASSAN MSELLEM, PEMBA Picha kutoka mtandaoni Visa vya watoto kujinyonga vimeanza kuwatia khofu na mashaka wazazi na walezi katika Visiwa vya Unguja na Pemba. Mashaka na khofu hiyo imeibuka baada ya matukio mawili mfululizo ya watoto wawili mmoja akiwa umri wa miaka (5) na mwengine (9) kuripotiwa kufariki dunia kwa kujinyonga kati ya tarehe 7 na 9 mwezi huu wa kumi mwaka 2025 kupitia kipindi cha Mawio kinachorushwa na Shirika la Utangazaji Zanzibar ZBC kila siku kuanzia saa 12:40 asubuhi. Katika tukio la kwanza mnamo tarehe 7.10.2025 mwandishi Masanja Mabula aliripoti tukio la Fatma Omar Kidere mwenye umri wa miaka tisa (9) mkaazi wa Mtondoo Jeuri Makaangale Wilaya ya Micheweni Mkao wa Kaskazini Pemba, amekutwa amefariki dunia na mwili wake ukiwa unanin’ginia kwa kutumia mtandio Jirani wa marehemu aliyefahamika kwa jina la Khamis Ali, amesema amepata taarifa za tukio hilo akiwa kazini baada ya kupigiwa simu na mke wake kumpa taarifa za kutokea kwa tukio hilo na kuondoka kazin...

Pemba Post

Search This Blog