Unyanyapaa unavyokatisha ndoto za watoto wa kike wenye ulemavu kwenye michezo.

 NA SALIM HAMAD, PEMBA.



Mara nyingi katika jamii kumekuwa na tamaduni ambazo zimekuwa zikiwanyima fursa watu wenye ulemavu wakiwemo wanawake katika kushiriki michezo na kuwaona kuwa hawana uwezo wa kushirki.

 

Pamoja na juhudi zinazochukuliwa Serikali na wadau mbali mbali katika kuondosha changamoto hiyo lakini bado wapo baadhi ya wanajamii na  uwazi wa uthubutu katika kuwapambania watu hao kwenye mambo ya msingi ikiwemo elimu na hata kushiriki katika michezo.

 

Makala hii itangazia vikwazo vinavyokwamisha watoto wa kike wenye ulemavu kushindwa kufikia ndoto zao.

 

Rashid Hamad Khamis ni Katibu wa timu ya watu wenye Ulemavu Mkoa wa Kaskazini Pemba,alisema jamii haijatilia mkazo kwa watu wenye ulemavu wa akili katika kushiriki michezo.

 

Alisema hawafahamu umuhimu wa michezo kwa watu hao ,  ambapo kwa kiasi kikubwa michezo inawafanya kukua kimaadili, kimwili na kiakili   hivyo  kuchukulia  kwamba sio jambo la lazima kwao.

Miongoni mwa madai ya wazazi juu ya kutowaruhusu kuingia kwenye michezo ni pamoja na kutokuwaamini juu ya mazingira yao  kutokana na ulemavu wao jambo  linawanyima haki hiyo, alisema katibu huyo.

 

Akizungumzia juu ya namna ya  walivyo jiandaa  alisema kuwa  hivi sasa wameandaa utaratibu maalumu wa kuwapitia wazazi kuwaelimisha wazazi wenye watoto walemavu ili kupata kujumuika naweanzao katika kushiriki michezo.

 

‘’Tunajaribu kuwafahamisha Wazazi wa watoto wenye ulemavu  kuwa  kuwanyima fursa ya kushiriki michezo  watoto hao ndani ya jamii  bado  ni tatizo kubwa ,  ambapo  bila ya  kutambua kuwa ni  kuwanyima haki zao  pamoja na kuwanyanyapaa’’alisema.

 

Hata hivyo alisema ingawa  kwa sasa  wameweza kuanzisha timu moja tu ya watu wenye ulemavu kwa wanaume lakini kutokana na umuhimu huo wataanzisha   timu maalumu ya Wanawake.

 

Alisema walikuwa wameanzisha timu moja tu ya wanaume wenye ulemavu lakini baada ya kubaini kufanya hivyo ni kudumanza upande mwengine ndio kwa sasa wamekuja na mpango maalumu kuwepo kwa timu zote kwa kuzingatia jinsia.

 tumeanza  kutoa elimu kwa wazazi wa watoto  hao na  kushirikiana katika  kuwaruhusu kuingoa  kwenye michezo ili kupata nafasi za kujumuika na wenzao .

 

Alisema katika msimu  ujao hapo mwakani kutakuwa na mashindano ya watu wenye ulemavu kwa  timu mbili za wanawake na wanaume  waweze kushiriki kwa lengo la kutoa haki sawa  kwani kufanya hivyo kutayaweka karibu na jamii makundi hayo  ambayo yamesahaulika.

 

Mratibu wa Baraza la Watu Wenye Ulemavu Kisiwani Pemba,Mashavu Juma Mabruki alisema wamekuwa wakielimisha jamii juu ya Namna   ya kuishi na watu hao kwa  kuwashirikisha mambo mbali mbali yaki jamii ikiwemo kushiriki katika  michezo.

 

Alisema baraza lina  jukumu la  kuwasajili na kuwatambua pamoja na kuwasaidia kwa vitu mbali kupitia watu ambao wamekuwa wakiwatafuta kuyaangalia makundi hayo.

 

‘’Sisi Baraza la Watu wenye ulemavu tumekuwa na jumuku la kuwasajili kuwatambumbua ili lengo letu nikuona watu hao wanasaidiwa,tumekuwa tukitafuta watoto wa  aina hiyo’’alisema.

 

Alisema mara nyingi makundi ya watu hao yamekuwa yakiwekwa nyuma na kukoseshwa haki za msingi lakini baraza limekuwa likiwakutanisha watu tofauti kutoa elimu ya kutokuwababgua watu hao.

 

Alisema iwapo watashirikishwa wanauwezo mkubwa  na kwenye michezo wamekuwa wakifanya vizuri ispokuwa jamii imekosa kuwaamini lakini kwa juhudi zinazofanywa jamii imeanza kubadilika.

 

Alisema kwa mujibu wa Katiba ya Zanzibar,ya Mwaka 1984 kifungu 12 (1)kina fafanua kuwa watu wote ni sawa mbele ya sheria na wanayo haki bila ubaguzi wowote,kulindwa na kupata haki sawa.

 

 

Shekh Naasor Abdalla Mauli  ni Mwanaharakati  wa siku nyingi hivyo alisema  watu wenye ulemavu nawao wanayo haki ya kushiriki michezo kwani michezo inaimarisha afya.

 

‘’Michezo inaimarisha afya, hivyo tuwape nafasi  watoto wetu wa kike wenye ulemavu nawao washiriki michezo ili na wao wajihisi kama ni sehemu ya watoto kama wengine,alisema’’.

 

Mratibu wa Chama Cha Waandishi wa Habari wanawake Tanzania Zanzibar,Ofisi ya Pemba,Fthiya Mussa Said alisema Tamwa imekuwa ikitunana na wadau mbali mbali katika kushajihisha wanawake kupewa fursa na kama wanaume katika kushiriki michezo.

 

Alisema ukiangalia duniani wanawake wengi wamekuwa wakionekana kwenye mashindano tofauti hali hiyo inaonesha wanawake wanaweza lakini kwa upande wa Pemba,bado jamii inawanyima nafasi wanawake kushiriki michezo.

 

Waziri Tabia anasema, kwa upande wa michezo ya watu wenye ulemavu wa mguu mmoja na mkono mmoja, Wizara imefanikiwa kulisaidia Shirikisho la mchezo huo, kushiriki mashindano ya Kitaifa yaliyofanyika Arusha.

 

Lakini hata Shirikisho la michezo ya Viziwi Zanzibar (SHIMIVIZA) limesaidiwa kuandaa bonanza, kwa ajili ya shamra shamra ya kuadhimisha siku ya viziwi duniani.

 

Sheria ya watu wenye ulemavu namba 8 ya mwaka 2022, kifungu cha 28 (9) kimesema watu wenye ulemavu wanayo haki ya kushiriki kwenye michezo na burudani.

 

TAMKO LA SERA YA MICHEZO YA MWAKA 2018

 Serikali itahakikisha Watu Wenye Ulemavu wanawekewa mazingira yanayofaa, kuwawezesha kupata fursa sawa na haki ya kushiriki mashindano mbali mbali kwa uwezo wa hali zao.

 

MWISHO.

 

 

 

 

 

 

Comments

Post a Comment

Popular posts from this blog

MWALIMU WA MADRASA MBARONI KWA TUHUMA ZA KUMBAKA MWANAFUNZI WAKE

Image
 NA, HASSAN MSELLEM, PEMBA Jeshi la Polisi Mkoa wa Kusini Pemba linamshikilishia Ali Shavuai Ramadhan 25, ambaye ni mwalimu wa Madrasa anayeishi Wesha Wilaya ya Chake Chake Mkoa wa Kusini Pemba kwa tuhuma za kumbaka mwanafunzi wake mwenye umri wa miaka 14 Baba wa kambo wa Msichana ambaye jina limehifadhiwa, amesema aligundua kuchelewa kurudi nyumbani kwa binti yake huyo wakati wa usiku na kuchukua hatua za kumuuliza alikuwa wapi na baada ya maswali kadhaa msichina huyo akajibu kuwa alikuwa mwalimu wake wa madrasa nyumbani na kukiri kufanyiwa kitendo cha ubakaji “Alichelewa kurudi nyumbani akarudi kama muda wa saa 3 hivi nikamuita na kumuuliza ulikuwa wapi? Akanijibu nilikuwa na mwalimu Ali nikamuuliza usiku mulikuwa munafanya nini na mwalimu Ali? Akawa anasita kunijibu, nikaamuliza tena usiku mulikuwa wapi? Akajibu nyumbani kwake, nikamuuliza mulikuwa munafanya nini? Baada ya muda kupita ndipo akanijibu kuwa ni kweli wamefanya hicho kitendo zaidi ya mara moja” amesema baba mdo...
Read more

Mama ajifungua kisha kukiua kichanga na kukifukia kwenye tuta- Sizini Pemba

Image
 Habari Na, Hassan Msellem, Pemba  Picha kutoka Maktaba. Mchanga Omar Said anayekadiriwa kuwa na umri wa miaka 35, na mama wa watoto saba Mkaazi wa Shehia ya Sizini Wilaya ya Micheweni Mkoa wa Kaskazini Pemba, anashikiliwa na Jeshi la Polisi kwa tuhuma za kumuua na kisha kumfukia kwenye tuta mtoto wake Mchanga. Akizungumza juu ya tukio Hilo Mkuu wa Wilaya ya Micheweni Mgeni Khatib Yahya, alisema majira ya saa 5 siku ya Tarehe 18\05\2024 wamepokea taarifa za mama huyo akiwa na ujauzito ambalo alijifungua bila ya taarifa za alichojifungua kuonekana, ndipo Wananchi walipofuatilia na kugundua kuwa mama huyo alijifungua na kisha kumuua mtoto na kisha kukizika. Akizungumza kwa niaba ya mganga Mkuu wa hospital ya Micheweni Daudi Rashid Mkasha, alisema walipofika eneo la tukio walikuta sehemu iliyochumbuliwa na kukuta mabaki ya mwili wa mtoto ambayo tayari yameshaharibika. Suleiman Shaame Hamad, ni Sheha wa Sizini alikiri kutokea kwa tukio hilo na kuhuzunishwa nalo pamoja na kuwataka ...
Read more

Mtangazaji wa Wasafi Media, Dida Afariki Dunia

Image
Mtangazaji na mfanyakazi wa Wasafi Fm Radio kupitia kipindi cha Masham Sham Khadija Shaibu maarufu Dida, amefariki Dunia Leo hii September 04.2024 akiwa anapatiwa matibabu hospital ya Muhimbili Jijini Dar-Es- Salaam alipokuwa anapatiwa matibabu. Taarifa za kifo cha Mtangazaji huyo wa Wasafi Media zimechapishwa na Mtangazaji na rafiki wa marehemu Dida Maulid Kitenge katika Ukurasa wake wa X na Instagram. Usikose kufuatilia Blog yetu kwa taarifa zaidi kuhusu kifo cha Mtangazaji huyo mashuhuri wa vipindi vya Burudani.
Read more