"UCHUMI WA BULUU NI BIASHARA KATI YA SERIKALI NA BENKI YA CRDB CRDB" MWENYEKITI WA ADC TAIFA-SHABANI ITUTU.

Na, Hassan Msellem, Pemba 


Mwenyekiti wa chama cha Alliance for Democratic Change (ADC) Taifa Shabani Itutu, ameiomba Serikali ya Mapinduzi ya Zanzibar kupitia Wizara ya Uchumi wa Buluu kuboresha hali za Wananchi kupitia Sera ya Uchumi wa Buluu, ambayo mpaka sasa haijafikiwa ipaswavyo.


Mwenyekiti huyo ametoa kauli hiyo kwa nyakati tofauti wakati akizungumza na wanachama wa wa Chama cha ADC na Wananchi mbali mbali Kisiwani Pemba, amesema licha ya Serikali ya awamu ya nane kuanzisha Sera ya Uchumi wa Buluu kwa lengo la Kuboresha Hali za Wananchi kupitia rasilimali za baharini ikiwemo uvuvi wa Samaki na zao la mwani bado hali za Wananchi kupitia rasilimali hizo hazijaimarika.



Akitaja sababu zinazobabisha kutokufikiwa kwa Sera ya Uchumi wa buluu kwa Wananchi ni pamoja kukosekana kwa vyombo vya kisasa vya uvuvi, kukosekana kwa viwanda vya kusindika samaki pamoja kutokufanya kazi kwa viwanda vya kuchakata zao la mwani.



"Tunaamini dhamira ya Serikali ni njema sana kupitia Sera ya Uchumi wa Buluu lakini dhamira hiyo haiwezi kufikiwa endapo Serikali itashindwa kununua meli za kisasa zinazoweza kwenda kwenye kina kirefu cha maji, kuwa na uwezo mzuri wa kuhifadhia tani za kutosha za kuhifadhia samaki pamoja kuwa na viwanda vya kusindika samaki, pamoja kufanya kazi kwa viwanda vya kuchakata mwani ambavyo vimezinduliwa hivi karibuni" alisema 



Akifanya ziara katika kaburi la aliyekuwa Makamo wa kwanza wa Rais Zanzibar Marehemu Mwalim Seif Sharif huko Mtambwe Nyali, amewataka wanasiasa na watendaji wa Serikali kufuata nyayo za Kiongozi huyo Ili kuwaletea Wananchi Maendeleo bila ya ubaguzi.



"Naomba niwasihi sana viongozi vyama mbali mbali vya siasa pamoja watendaji wa Serikali kuenzi na kufata nyayo za marehemu Maalim Seif Sharif Hamad katika kuwatumikia Wananchi, Marehemu hakuwa na misingi ya ubaguzi Wala dhulma katika kipindi Chake chote cha kuwatumikia Wananchi na ndio maana leo tunamuenzi kwa heshima kubwa"


Kwa upande wake Katibu wa chama cha ADC Taifa Mwalimu Hamad Azizi, amesema chama cha ADC ni miongoni mwa vyama 19 Tanzania vilivyopatiwa Usajili kikiwa na miaka 13 tangu kuanzishwa kwake, hivyo basi amewataka Vijana na Wananchi kujiunga na Chama hicho Ili kunufaika na Sera, Ilani, malengo yanayotokana na Chama hicho.


Akitoa ufafanuzi kuhusu ubovu wa barabara ya Mtambwe Nyali Hadi Uondwe, amesema tayari Uongozi wa Chama hicho umeshazungumza na Serikali Ili kuhakikisha tatizo la ubovu wa barabara hiyo linatatuliwa.


Nao baadhi ya Wananchi waliohudhuria katika ufunguzi wa TAWI la Chama hicho huko Mtambwe, wamesema wanakabiliwa na tatizo la ubovu wa barabara hali inayowasababisha kushindwa kufanya shughuli zao zakimaisha ipaswavyo.


"Kwakweli changamoto yetu kubwa ni ubovu wa barabara tunapata shida sana sio kwa kipindi hichi cha jua wala mvua kwasababu Barabara ni mbovu sana hata hivyo vinavyokuja huku vinaharibika Kwahivyo inatubidi tutembee kwa miguu kwenda kwenye shughuli zetu mbali mbali" alisema mmoja wa Wananchi hao


Katika Ziara hiyo ya ufunguzi wa matawi mwenyekiti wa ADC Taifa Ndugu Shabani Itutu alifungua TAWI la Chama cha ADC Kinazini, na Nyali huko Mtambwe, Tawi la ADC Jombwe na Chole Kengeja, na kuwakabidhi kadi za uanachama kwa viongozi na wanachama wa matawi hayo pamoja na kutembelea kaburi la aliyekuwa Waziri Kiongozi Dr. Omar Ali Juma Mgogoni na aliyekuwa Makamo wa kwanza wa Rais wa Zanzibar Maalim Seif Sharif Hamad huko Mtambwe Nyali.



Comments

Post a Comment

Popular posts from this blog

MWALIMU WA MADRASA MBARONI KWA TUHUMA ZA KUMBAKA MWANAFUNZI WAKE

Image
 NA, HASSAN MSELLEM, PEMBA Jeshi la Polisi Mkoa wa Kusini Pemba linamshikilishia Ali Shavuai Ramadhan 25, ambaye ni mwalimu wa Madrasa anayeishi Wesha Wilaya ya Chake Chake Mkoa wa Kusini Pemba kwa tuhuma za kumbaka mwanafunzi wake mwenye umri wa miaka 14 Baba wa kambo wa Msichana ambaye jina limehifadhiwa, amesema aligundua kuchelewa kurudi nyumbani kwa binti yake huyo wakati wa usiku na kuchukua hatua za kumuuliza alikuwa wapi na baada ya maswali kadhaa msichina huyo akajibu kuwa alikuwa mwalimu wake wa madrasa nyumbani na kukiri kufanyiwa kitendo cha ubakaji “Alichelewa kurudi nyumbani akarudi kama muda wa saa 3 hivi nikamuita na kumuuliza ulikuwa wapi? Akanijibu nilikuwa na mwalimu Ali nikamuuliza usiku mulikuwa munafanya nini na mwalimu Ali? Akawa anasita kunijibu, nikaamuliza tena usiku mulikuwa wapi? Akajibu nyumbani kwake, nikamuuliza mulikuwa munafanya nini? Baada ya muda kupita ndipo akanijibu kuwa ni kweli wamefanya hicho kitendo zaidi ya mara moja” amesema baba mdo...
Read more

Mama ajifungua kisha kukiua kichanga na kukifukia kwenye tuta- Sizini Pemba

Image
 Habari Na, Hassan Msellem, Pemba  Picha kutoka Maktaba. Mchanga Omar Said anayekadiriwa kuwa na umri wa miaka 35, na mama wa watoto saba Mkaazi wa Shehia ya Sizini Wilaya ya Micheweni Mkoa wa Kaskazini Pemba, anashikiliwa na Jeshi la Polisi kwa tuhuma za kumuua na kisha kumfukia kwenye tuta mtoto wake Mchanga. Akizungumza juu ya tukio Hilo Mkuu wa Wilaya ya Micheweni Mgeni Khatib Yahya, alisema majira ya saa 5 siku ya Tarehe 18\05\2024 wamepokea taarifa za mama huyo akiwa na ujauzito ambalo alijifungua bila ya taarifa za alichojifungua kuonekana, ndipo Wananchi walipofuatilia na kugundua kuwa mama huyo alijifungua na kisha kumuua mtoto na kisha kukizika. Akizungumza kwa niaba ya mganga Mkuu wa hospital ya Micheweni Daudi Rashid Mkasha, alisema walipofika eneo la tukio walikuta sehemu iliyochumbuliwa na kukuta mabaki ya mwili wa mtoto ambayo tayari yameshaharibika. Suleiman Shaame Hamad, ni Sheha wa Sizini alikiri kutokea kwa tukio hilo na kuhuzunishwa nalo pamoja na kuwataka ...
Read more

Mtangazaji wa Wasafi Media, Dida Afariki Dunia

Image
Mtangazaji na mfanyakazi wa Wasafi Fm Radio kupitia kipindi cha Masham Sham Khadija Shaibu maarufu Dida, amefariki Dunia Leo hii September 04.2024 akiwa anapatiwa matibabu hospital ya Muhimbili Jijini Dar-Es- Salaam alipokuwa anapatiwa matibabu. Taarifa za kifo cha Mtangazaji huyo wa Wasafi Media zimechapishwa na Mtangazaji na rafiki wa marehemu Dida Maulid Kitenge katika Ukurasa wake wa X na Instagram. Usikose kufuatilia Blog yetu kwa taarifa zaidi kuhusu kifo cha Mtangazaji huyo mashuhuri wa vipindi vya Burudani.
Read more